Кел, келінім!

youtube instagram telegram

Шоу туралы

Бізді Астана уақыты бойынша сағат 15.00-мен 18.00 аралығында КТК арнасында, сонымен қатар сайтымыздан тамашалай аласыздар

«Кел, келінім» бағдарламасы дүйсенбі мен жұма аралығы сағат 15:00 және 18:00 аралығында КТК арнасында тікелей эфирде жүретін реалити-шоу! Жоба мақсаты - жас жігіттер мен қыздарды отбасылық өмірге дайындау, олардың үлгілі келін мен абыройлы күйеужігіт атанып, шаңырақ көтеруіне себепші болу. Бағдарламадағы екі жұлдызды сарапшы қатысушыларды сан алуан тапсырмалар мен ойындар арқылы түрлі тұрмыстық жағдайларға бейімдеп, мәселелердің дұрыс шешілуіне бағыттап, жастардың өз теңін табуына ықпал етеді. Бағдарламаға алты жігіт пен алты қыз бала қатысады. Жоба қатысушыларының өзара көңіл жарастырып немесе сырттан оларды ұнатып келген үміткерлермен арақатынас құруына мүмкіндіктері бар. Алты жігіттің аналары жобадағы ұлдарын сырттай бақылап, бағыттап отырады. Ұлы белгілі бір арумен арақатынас өрбітіп, үйленуге бағыт ала бастаған кезде, жобаға анасы келіп, болашақ келінімен танысады. Әр апта бағдарламаға қатысуға ниет білдірген төрт үміткер, яғни екі қыз бен екі жігіт өз бақтарын сынайды. Және әр жұма бір жігіт пен бір қыз жобамен қош айтысады. Бағдарламада кімнің қалып, кімнің кететінін қатысушылар дауыс беру арқылы өздері шешеді. Олай болса, "Кел, келінімнің" қатысушыларына сәттілік тілейміз!

Жетекші және сарапшылар

Айсәуле Бақытбек – жастар арасында танымал блогер, журналист. 1996 жылы 22 мамырда шығармашылық отбасында дүниеге келді. 2013 жылы КТК арнасында «Mamma Mia» отбасылық реалити-шоуында жүргізушілік қырымен танылды. 2017 жылы YouTube әдеуметтік желісінде танымал болған «HOLA Show» жобасының ұйымдастырушысы әрі жүргізушісі. Және де «Hola News» тәуелсіз ақпараттық жаңалықтар порталының брэнд- амбассадоры. Сонымен қатар, Айсәуле актрисалық қабілетімен де танылды. Әсіресе, «Тракторшының махаббаты» телехикаясында сомдаған ролімен көрерменнің жылы лебізіне ие болды. Бүгінгі таңда АҚШ- тағы университтеттердің бірінде «журналистика» мамандығы бойынша білімін жалғастыруда. Қазіргі кезде КТК арнасындағы «Кел, келінім» реалити-шоуының жүргізушісі.
Қарагөз Тілеубекова – белгілі актриса, әнші, тележүргізуші. Алматы облысы, Талғар ауданы, Тұздыбастау ауылында шығармашылық отбасында дүниеге келді. Туған әпкесі – Қазақстанның халық әртісі, белгілі театр актрисасы Гүлбаушан Тілеубекова. Темірбек Жүргенов атындағы өнер академиясының «театр» факультетін бітірген. 1995 жылдан бастап «Бауыржан-шоу» әзіл-сықақ театрының бас әртісі болды. Сонымен қатар, Қарагөз көптеген фидьмдерде және телехикаяларда түрлі рөлдерді сомдады. Соның ішінде: «Қызды қалай ұрлаймыз?», «Ғашық жүрек немесе коктейль для звезды», «Несиеге махаббат», «Алып қашу операциясы», «Дала қызы», «Тәуекел», «Вузеры», «Қош келдіңіз», «Домашние войны», «Любовь в кредит», «Бізді күтер бір бақыт», «Алдар көсе», «Ауыл» т.б түрлі жанрдағы фильмдерді атап өтуге болады. Бүгінге дейін Қарагөздің екі альбомы жарық көрді, қазіргі таңда үшіншісі жазылу үстінде. Қазіргі таңда КТК арнасындағы «Кел, келінім» бағдарламасында отбасын құрам деген қыз жігіттерге жұлдызды сарапшы болуда.

Мұхит Сапарбаев – белгілі журналист, тележүргізуші. Өз шығармашылық жолында көптеген отандық телеарналарда қызмет жасап, бірнеше тележобалардың авторы болды. Атап айтсақ: 1. ОҚО-ғы «Отырар» арнасында «Час без родителей» бағдарламасының жүргізушісі; 2. «Қазақстан-Шымкент» арнасында «Үркер» және «Көңіл ашар» бағдарламаларының жүргізушісі; 3. «Хабар» агенттігінде «Жыл таңдауы», «Жас қанат» жобаларының сценаристі; 4. «Алматы» телеарнасында ақпараттық қызметте «Жаңалықтар» бөлімінде редактор-корреспондент; 5. «peoplenews.kz» ақпарттық агенттігінде бас редактор; 6. «Таң» телеарнасында «Разберемся» бағдарламасының авторы және жүргізушісі; 7. «ON TV» телеарнасындағы «Открытый диалог», «Сұхбат», «Главный герой», «Наше кино» жобаларының авторы, жүргізушісі және продюсері; 8. «MUZZONE» арнасының бас редакторы және бас продюсері; 9. «MEDIALIVE» компаниясында медиатренер қызметінде болды; 10. «31 арнада» «Неге?», «#1» жобаларының жүргізушісі және де «Айтылмаған әңгіме» ток-шоуының редакторы; Қазіргі таңда КТК арнасындағы «Кел, келінім» бағдарламасында жұлдызды сарапшы.

Болашақ күйеу балалар

Хаджиметов Шухрат
Көбірек
білу
Үміткер
боламын

Болашақ келіндер

Терлекбаева Айнұр
Көбірек
білу
Үміткер
боламын
Маржикова Томирис
Көбірек
білу
Үміткер
боламын
Атамбаева Айтолқын
Көбірек
білу
Үміткер
боламын
Жұмалиева Кристина
Көбірек
білу
Үміткер
боламын

Қатысушы болу

«Кел, келінім» бағдарламасында әр жұма сайын 12 қатысушының арасынан бір жігіт пен бір қыз жобадан шығады. Сіз де шоудың қатысушысы бола аласыз! Ол үшін сауалнаманы толтырып, бізге жіберу керек. Сауалнама қарастырылғаннан кейін, біз сізге міндетті түрде xабарласамыз!

Сауалнаманы толтыру

Эксклюзивті видео





Эксклюзивті видео